سكتناله دخل بحماره مثل مصري خاص كان شعار لمظاهرة حاشدة بالأسكندرية لقوى
المعارضة بكل ألوانها أمام محكمة الحقانية بميدان المنشية اعتراضا على
ممارسات الحكومة مع الشعب المصرى من غلاء فى الأسعار و فساد فى كل مؤسسات
الدولة و اعتقال و إقصاء الشرفاء عن الانتخابات المحلية
احنا لما الحكومه رفعت سعر الكهربا سكتنا
تقوم الحكومه تعمل ايه ما هيه مش لاقيه أى رد فعل من الشعب تقول انا حلغى الدعم من على السلع الاساسيه
يعنى مفيش عيش تانى موت من الجوع
وسواق التاكسى قالها كلمه "يا بيه كل حاجه فى البلد بتاعتنا بتغلى الا حاجتين هما اللى بيرخصوا ... الحشيش والبنى ادم"
الحكومة
شايفة ان الشعب بقى مسلوب الارادة وتقوله امشى يمين بيمشى وامشى شمال
هيمشى يبقى من حقها تركب وتدلدل رجليها وطبعا الشعب لا حول له ولا قوة مش
قادر حتى يفوق انه يقول عايز حقى لانه مربوط فى الساقية علشان رغيف العيش
وكمان
زي ما بنشوف فى الحياة بنى ادمين يغلطوا فيك ولما تكبر دماغك مرة واتنين
برضه بيدخلوا بحمارهم ويتخيلوا انك قليل الحيلة لكن لما بتوقعهم من الحمار
وتكسر لهم رقابتهم يقوموا يعرفوا ان الله حق
الجمعة أبريل 18, 2008 5:08 pm
