أأأأأأأأأأخر نكته

النهارده وانا بسمع قناة المحور
خير اللهم جعله خير
سمعت اغنية بيغنيها اربع خنافس لبسين ابيض فى البيض
والستاير ابيض فى البض
والارض بيضاء سبحان الله
وبيغنوا كلام جميل على لسان الشعب بتاعنا لحبيبه
على لسان ست البيت والعامل والفلاح
بيقولوا لمبارك احنا وياك يا حببنا
الاغنيه يا ريت تنزلوها فى منتدى الاغانى علشان تعرفوا اد ايه بيحبوه
المهم انهم مجابوش سيرة مصاصين الدماء رجال الاعمال كانهم مش منهم
علشان ميحرقوش دمهم طبعا
الاغنيه اسمها وياك



تفتكروا انا حالتى خطيره؟

طيب لها علاج؟؟؟

منقول لكلام كبار

وبعدين محدش ينكر ان الريس حبيبنا فعلا

الدليل على كده انتو مش عارفينه

عايزكم تتخيلوا ان امريكا دخلت وقالوا هنضرب القاهرة ونقبض على مبارك عشان مبارك مثلا مرداش ينفذ امر ليهم

رد فعلكم هيبقى ايه زى العراقين الخونة ولا هندافع عن ريسنا وبلدنا لو معملناش كده مش هنبقى مصريين

يبقى بنحبه ولا لأ

لا طبعا مش هنسمح لامريكا تحتل بلدنا امال خير جنود الارض ازاى
بس ميبقاش الشعب بيموت وبيتمص دمه
وكمان مستكتر علينا الكلام
وبعدين انا بتكلم عن اغنيه
بتنقلها ليه سياسه

هى فين الأغنية لما تحط الأغنية يبقى فى الأغانى

وده مش خبر عشان نحطه فى خبار النجوم

انا مبحملشى اغانى حملوها انتوا
واحرقوا دم الناس

ماشاء الله اسمها ايه بس
وانا احملهالكوا

الاغنيه اسمها وياك
يعنى العيب مننا بقى يا حنين
انا على فكره كنت بقول ذيك كده لحد الى عامله مع فلسطين واغلاق الحدود بينهم
وانا كرهته
اعتقد انى ممكن اسامحه لو سرقوا البلد كلها يشيل يا ستى هيروح من ربنا فين
بس الى عمله مع الفلسطينين ده الى حارق قلبى
حسبنا الله ونعم الوكيل

شكرا ع الموضوع
بجد مدام ايه انت متاثرة جدا
باموضوع والردود
طيب انت زعلانة عشان فلسطين
؟؟؟؟؟؟؟؟؟؟؟؟
طيب مش زعلانة ع الظباط المصريين اللى اتقتلوا
مش زعلانة ع العساكر اللى اتقتلوا
فى المرة الاولى
وبايد الفلسطينين
مش زعلانة لما جم مصر
وفى الاخر بعد ما رحلم يكتشف المصريين ان الفلوس اللى معاهم كلها مزورة
يعنى ياريت ناخد الموضوع بجدية مش باعواطف
انا من الناس اللى اؤكد ان قرار الريس صح مليون فى المية
وبعدين المساعدات المصرية بتوصلهم لغاية عندهم

مش عارفه يا احمد بس اعتقد انهم عملوا كده بعد ما فاض بيهم
هيروحوا فين وهيعملوا ايه واحنا اقوى دوله عربيه وخير جنود الارض
احيانا بحس ان مصر هيا ام العرب والمسلمين
ولو ساعدناهم ربنا هيساعدنا
يعنى لو اخوك خد منك حاجه بدون اذنك هتقفل بابك فى وشه
حتى وانت شايف واحد هيقتله
ولا هتساعده برده وتدعى ربنا يهديه
واكيد مش كل الفلسطينين كده
اكيد فيهم ناس كويسين
فمناخدشى ده مع ده
وربنا يرشدنا للصواب
وشكرا على الرد وتوضيح الامر لى

شكرا مدام ايه ع الرد
واهتمامك بردود القراء
الموضوع فعلا صعب
بس انتى اكيد عارفه ان المنطقة دى منطقة حدود
يعنى ممكن يعدى منها جواسيس اسرائيل بكل سهولة
وجايز اللى قتلوا الظباط المصريين يكونوا اسرائيلين
الله اعلم
ياريت تكونى اتاكدتى دلوقتى انا مع قرار الريس ليه
وبعدين كل يوم الريس بيبعت شاحنات داخل فلسطين
وسايب الشعب مش لاقى ياكل
يعنى الراجل كدة يشكر وعداه العيب
اسف طولت عليكم

يا جماعة بجد الموضوع هااااااااايل جداااااااا
وردودكم جااااااااااامدة جداااااااااااااااااااااااااااا
ردود شعب واعى وفاهم اللى بيحصل
أنا عن نفسى بجد ومش خوف
شايفه انه رغم كل عيوبه الا ان مفيش حد يقدر
يحكم بلدنا داخليا وخارجيا غيره
أما بالنسبة للفلسطينين أنا فعلا مع رأى احمد
يا آيه بجد لو كنا سبناهم كانت ممكن تحصل
حاجات احنا فى غنى عنها
وبعدين زى ما بتقولى أخوك لو كده
اذا سبته من غير ما آخد أى اجراء هيتمادى فيها
سورى طولت عليكم
بس بجد تسلم ايديكى انك فتحتى لينا حوار مهم كده

شكرا ليك يا احمد وشكرا يا توتا

وهقول لكوا ذى ما الامام الشافعى قال
” رأيي صواب يحتمل الخطأ ورأي غيري خطأ يحتمل الصواب

والاختلاف فى الراى لا يفسد للود قضيه