فضفضة كبار

كتييييييييييييييييييير
بس بصراحة
مش فى حاجة حاضرة فى ذهنى حاليا
اول ما افتكر موقف
هدخل اكتبه
ميرسى ليكى بجد
ع الموضوعات الهايلة دى

وانا قريبا ان شاء الله برده هجهزلكوا صنية كوسه باللحمة

مستنين الصنية ياميدو

بالنسبة للكوسة انا الكوسة اثرت فى حياتى تأثير جوهرى جدا

ويمكن يكون على عكس الناس كلها للأفضل

عشان تعرفوا حاجه ان الكوسة زى ماليها أضرار أكيد لها فوايد

وانا النهاردة جاى اكلمكم عن الجانب المضئ من الكوسة وليس الجانب المظلم

لما دخل كلية العلوم كان نفسى ادخل قسم بيولوجى قالوا فيه تنسيق قولت الحمد لله

مجموعى يدخلنى مرتاح .

ولكن نظرا لأنى لم يكن لدى وسطة فدخلونى قسم كيمياء وللعلم انا جايب فى الكيمياء اقل

درجة فى الثانوية العامة عشان تعرفوا أن الحكومة بتاعتنا بتعرف تختار الراجل المناسب فى

المكان المناسب .....ما علينا نرجع لموضوعنا

انا قولت كيميا كيميا ياواد وطبعا لأنكم عارفين انى داخل قسم انا عاشقه عملت خناقة فى

أول شهر مع دكتورين والاتنين قالولى هتشيل المادة قولت دا انا بقول بسم الله الرحمن

الرحيم قمت محول الكلية اللى كان نفسى ادخلها تربية نوعية عشان ادخل قسم حاسب

شفتوا اول نتيجة للكوسة .


اما النتيجة التانية هحكيهالكم انا الحمد لله كنت متفوق ولكن نظرا لوجود الكوسة ووجود ابنه

أحد الموظفين بالكلية فكانت غصب عننا شئنا ام ابينا بتطلع الأولى وبتجيب امتياز فى كل

المواد ماشاء الله !!!!! بركاتك يا كوسة

لما جينا للتخصص ناس كتير قالولى ابعد عنها وانت تطلع الأول وتبقى معيد انتو عارفين انى

بموووت ف الكوسة ابعد عنها ازاى .

طبعا لو كنت سمعت كلامهم كان زمانى بقيت معيد وبقبض بالساعة واااااااو

60 او 70 الف جنية قصدى 60 او 70 جنية فى الشهر !!!!!! صدقونى ده المرتب فعلا

وكان زمانى مقبلتش حبيبى ولا خطبت ولا اى حاجه

شفتوا بقا الكوسة اثرت فى حياتى ايجابيا ازاى

هههههههههههههههههههههههه
ده انت ياميدو واخد الكوسة كلها لحسابك ولا إيه
ميرسى ياميدو ع اشتراكك

اية يا ميدو انت كيف كوسة

ما الكوسه حلوه اهه يا جماعه
امال ظلمنها ليه بس
ربنا يخلى لينا الحكومه وتخلى حياتنا كلها كوسه وباذنجان

الكوسة فى كل حاجة من الألف الى الياء بس والله لو راعينا ضمايرنا مش هنلاقيلها وجود
قال تعالى ( ان الله لا يغير ما بقوم حتى يغبروا ما بأنفسهم )

شكراااااااااااااااااااا ليكى يا نور ع الفكرة
والكوسة يا ستى قابلتنى كتير
بنت فلان تعرف النتيجة وهى قاعدة فى البيت وطبعا قبلك بمراحل
ما هى بنت فلان بقى
و فلانة تاخد اعمال سنة زيادة و يمكن وناقص شوية ما تدخلش الامتحان
ما هى فلانة بقى
والله كتير يا نور
وما تعديش
ربنا يسترها معانا

طيب وايه الللى يزعل فى انها تعرف نتيجه الامتحان قبلك يا شاهى


ولا تاخد درجتين زيادة يعنى ايه الحقد ده

عموما ربنا معاكم انا طلعت من التعليم وكوسته وربنا يستر علينا فى حياتنا المعملية الفذة