| | رباعيات صلاح جاهين |  |
|
|
| كاتب الموضوع | رسالة |
|---|
نورسين
مشرفة كلام كبار وأديبة العشاق
عدد الرسائل : 1003
العمر : 38
تاريخ التسجيل : 26/02/2008
| موضوع: رباعيات صلاح جاهين  الأربعاء مارس 05, 2008 2:49 am | |
| من رباعياته والشخص ده بعشقه بصراحة
انا كل يوم أسمع ........ فلان عذبوه
أسرح في بغداد و الجزاير واتوه
ما أعجبش م اللي يطيق بجسمه العذاب
و اعجب من اللي يطيق يعذب أخوه
عجبي !!
كيف شفت قلبي و النبي يا طبيــــــــــــب
همد و مات و الا سامع له دبيـــــــــــــب
قاللي لقيته مختنق بالدمـــــــــــــــــــــوع
و ما لوش دوا غير لمسه من إيد حبيب
عجبي !!!!
سمعت نقطة ميه جوه المحيـــــــط
بتقول لنقطه ما تنزليش في الغويط
أخاف عليكي م الغرق .. قلـــــت أنا
ده اللي يخاف م الوعد يبقي عبيط
عجبي !!
!!!!
بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت قالوا مفيش
غير بس هو الحب قارب نجاه
عجبي !!!
إنشد يا قلبي غنوتك للجمــــــــــــــــــال
و ارقص في صدري من اليمين للشمال
ما هوش بعيد تفضل لبكره سعيــــــــــد
ده كل يوم فيه الف الف احتمـــــــــــــال
عجبي !!
ياللي عرفت الحب يوم و انطــــــــــــوي
حسك تقول مشتاق لنبع الهـــــــــــــــوي
حسك تقول مشتاق لنبع الغــــــــــــــــرام
ده الحب .. مين داق منه قطره...ارتوي
عجبى !!!! | |
|
| | |
قاضى العشاق
المدير
عدد الرسائل : 856
العمر : 39
المزاج : خائف
تاريخ التسجيل : 20/02/2008
| | موضوع: رد: رباعيات صلاح جاهين الأربعاء مارس 05, 2008 6:50 pm | |
| أنا بمووووووووووووت فيه
وفى الرباعيات تسلمى لينا يا نورسين
وكنت حافظ جزء منها | |
|
| | |
نورسين
مشرفة كلام كبار وأديبة العشاق
عدد الرسائل : 1003
العمر : 38
تاريخ التسجيل : 26/02/2008
| | موضوع: رد: رباعيات صلاح جاهين الأربعاء مارس 05, 2008 10:01 pm | |
| ميرررررررررررسى ياميدو جدا | |
|
| | |
نورسين
مشرفة كلام كبار وأديبة العشاق
عدد الرسائل : 1003
العمر : 38
تاريخ التسجيل : 26/02/2008
| | موضوع: الباقى الخميس مارس 06, 2008 3:33 am | |
| تسمحولى اكمل رباعياته معلش استحملونى
حاسب من الاحزان و حاســـــــب لها
حاسب علي رقابيك من حبلـــــــــــها
راح تنتهي و لابد راح تنتهــــــــــي
مش انتهت أحزان من قبلهــــــــــا؟
عجبي !!!
يأسك و صبرك بين إيديك و انت حر
تيأس ما تيأس الحياه راح تــــــــمر
أنا دقت مندا ومندا عجبي لقيــــــت
الصبر مر و برضك اليـأس مـــــــر
عجبي !!
ولدي نصحتك لما صوتي اتنبــــــــــــح
ما تخفش من جني و لا من شبـــــــــح
و ان هب فيك عفريت قتيل إسألـــــــــه
ما دافعش ليه عن نفسه يوم ما اندبح
عجبي !!
ولدي إليك بدل البالون ميت بالــــــون
انفخ وطرقع فيه علي كل لـــــــــــون
عساك تشوف بعينك مصيرالرجــــــال
المنفوخين في السترة و البنطلـــــون
عجبي !!!
خوض معركتها زي جدك ما خــــاض
صالب و قالب شفتك بامتـــــــــــعاض
هي كده...ما تنولش منها الأمـــــــل
غير بعض صد ورد ووجاع مخاض
عجبي !!!!
كام اشتغلت يا نيل في نحت الصخور
مليون بئونه و الف مليون هاــــتور
يا نيل أنا ابن حلال و من خلفتــــــك
و ليه صعيبه علي بس الأمــــــــور
عجبي !!! | |
|
| | |
قاضية العشاق
مشرفه قاضى الغرام
عدد الرسائل : 1107
العمر : 38
المزاج : عاشقة
تاريخ التسجيل : 21/02/2008
| | موضوع: رد: رباعيات صلاح جاهين الخميس مارس 06, 2008 3:45 am | |
| بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت قالوا مفيش
غير بس هو الحب قارب نجاه
عجبي !!!
مش عارفه اقولك ايه؟؟؟؟
بجد شكرا دى مش كفايه
اصلك مش عرفه الجزء ده خصوصا بحبه اد ايه
ميرسى ليكى يا قمر | |
|
| | |
نورسين
مشرفة كلام كبار وأديبة العشاق
عدد الرسائل : 1003
العمر : 38
تاريخ التسجيل : 26/02/2008
| | موضوع: رد: رباعيات صلاح جاهين الخميس مارس 06, 2008 3:46 am | |
| أنا بحبه جدا ياتوتا
وميرسى لمرورك وتشجيعك | |
|
| | |
قاضى العشاق
المدير
عدد الرسائل : 856
العمر : 39
المزاج : خائف
تاريخ التسجيل : 20/02/2008
| | موضوع: رد: رباعيات صلاح جاهين الخميس مارس 06, 2008 10:54 pm | |
| شكرا ليكى يانور
وياريت تكملى الرباعيات كلنا حريصين اننا نقراها فعلا جميلة | |
|
| | |
نورسين
مشرفة كلام كبار وأديبة العشاق
عدد الرسائل : 1003
العمر : 38
تاريخ التسجيل : 26/02/2008
| | موضوع: رد: رباعيات صلاح جاهين الجمعة مارس 07, 2008 3:46 am | |
| | |
|
| | |
نورسين
مشرفة كلام كبار وأديبة العشاق
عدد الرسائل : 1003
العمر : 38
تاريخ التسجيل : 26/02/2008
| | موضوع: باقى الرباعيات الجمعة مارس 07, 2008 3:48 am | |
| منين أجيبها كلمه متألمـــــــــــــــــة
لعيبه فايره حايره و مصممــــــــــه
منين اجيبها كلمه تكون بنـــت ارض
تشفي اللي ما شافهوش كلام السمـا
عجبي !!!
أنا قلت كلمة و كان لها معنييـــــــــن
كما بطن واحده و توأمين زي وشين
لو دنيا شر.. التوأم الخير يمـــــــوت
لو دنيا خير .. الشر ح يعيش مــنين
عجبي !!
أنا اللي بالأمر المحال اغتــــــــــــوي
شفت القمر نطيت لفوق في الهـــــوا
طلته ما طلتوش إيه انا يهمنـــــــــي
و ليه .. ما دام بالنشوة قلبي ارتوي
عجبي !!
بره القزاز كان غيم و أمطار و بــــــــرق
ما يهمنيش – أنا قلت – و لا عندي فرق
غيرت رأيي بعد ساعة زمـــــــــــــــــان
و كنت في الشارع .. و في الجزمة خرق
عجبي !!!
عيني رأت مولود علي كتف أمـــــــــــه
يصرخ تهنن فيه يصرخ تضــــــــــــمه
يصرخ تقول يا بني ما تنطق كـــــــلام
ده اللي ما يتكلمش يكتر همـــــــــــــه
عجبي !!!!
يا عندليب ما تخافش من غنوتك
قول شكوتك و احكي علي بلوتك
الغنوه مش ح تموتك إنمــــــــــا
كتم الغنا هو اللي ح يموتــــــــك
عجبي !!! | |
|
| | |
قاضية العشاق
مشرفه قاضى الغرام
عدد الرسائل : 1107
العمر : 38
المزاج : عاشقة
تاريخ التسجيل : 21/02/2008
| | موضوع: رد: رباعيات صلاح جاهين السبت مارس 08, 2008 12:06 am | |
| أنا اللي بالأمر المحال اغتــــــــــــوي شفت القمر نطيت لفوق في الهـــــوا طلته ما طلتوش إيه انا يهمنـــــــــي و ليه .. ما دام بالنشوة قلبي ارتوي عجبي !! الله عليه بجد شكراااااااا ليكى يا قمر وياريت تكملى  | |
|
| | |
نورسين
مشرفة كلام كبار وأديبة العشاق
عدد الرسائل : 1003
العمر : 38
تاريخ التسجيل : 26/02/2008
| | موضوع: رد: رباعيات صلاح جاهين السبت مارس 08, 2008 1:58 am | |
| | |
|
| | |
نورسين
مشرفة كلام كبار وأديبة العشاق
عدد الرسائل : 1003
العمر : 38
تاريخ التسجيل : 26/02/2008
| | موضوع: الباقى السبت مارس 08, 2008 2:00 am | |
| طال انتظاري للربيع يرجــــــــــــــع
و الجو يدفا و الزهور تطلــــــــــــع
عاد الربيع عرمرم شبـــــــــــــــاب
إيه اللي خلاني ابتديت افــــــــزع ؟
عجبي !!!
و لو اتضنيت و فنيت وعمري انفرط
مش عاوز الجأ للحلول الوســـــــــط
و كمان شطط و جنون مانيش عــاوز
يا مين يقول لي الصح فين والغلــــط
عجبي !!
عاد الربيع كأنه طعم الحــــــــــــــــــب
و الحب نار جوه العروق بتصـــــــــب
اتمتع ازاي بيه وانا متقطـــــــــــــــع
من كتر خوفي لا في الخطيئة يطب ؟
عجبي !!
ازاي شبابنا يقوم و ياخـــــــــد دوره
من غير صراخ يئذيه و يجرح زوره
يا هلتري أحسن له يقعد ساكـــــــــت
أو ينترك و لو خرج عن طــــــوره ؟
عجبي !!!
عيني رأت عصفور ووياه ابـــــــــنه
بيحدفه في الريح و ياخده ف حضنه
نوبتين و تالت نوبه – عجبي عليهم –
كانوا سوا بيرفرفرا و يغنـــــــــوا
عجبي !!!!
احسن ما فيها العشق و المعشقــــــة
و شويتين الضحك والتريقـــــــــــــة
شفت الحية . لفيت . لقيت الألــــــــذ
تغييرها . و ده يعني التعب و الشقا
عجبي ! | |
|
| | |
نورسين
مشرفة كلام كبار وأديبة العشاق
عدد الرسائل : 1003
العمر : 38
تاريخ التسجيل : 26/02/2008
| | موضوع: الباقى الأحد مارس 09, 2008 2:46 am | |
| ما آنتاش بتلعب ليه يا روح بابــــا ؟
و لا عسكري و لا لص في عصابة ؟
إلعب أسد أو ديب رهيب أو غـــــزال
دي الدنيا في نهاية المطاف غابـــــة
عجبي !!!
ورد في ورق سلوفان يا حلوة اهديلك ؟
و الا انقله بالطين في الشتلة و اجيلـــــك
الأولاني لو وحاب حنــــــــــــــــــــــانــي
عجبي علي التاني بإيــــــــه يوحيلــــــــك
عجبي !!
أنا قلبي كوكب و انطلق في المدار
حواليكي يا محبوبتي يا نور ونـــار
يلف مهمــــا يلف ما بيكتـــــفيش
وتمللي نصه ليل و نصه نهــــــــار
عجبي !!
الأرض شوك أيوه لكين هايش
و الحمرة مش يعني الطريق حايش
دي دمنا السيال .. وبشرة خيـــــــر
ان انتي عايشة و ان كنت أنا عايــش
عجبي !!!
إيه اللي خدته من مرور السنــــــين
يا قلبي الا دمعتك و الأنيــــــــــــــين
بتئن و ترجع و بتفرح و ترجع تحــن
مع إن مش كل البشـــــــــــر فرحانين
عجبي !!!!
اوقات أفوق و يحل عني غبــــــــــايا
واشعر كأني فهمت كل الخبايـــــــــــا
و افتح شفايفي علشــــــان اقول الدرر
ما أقولش غير حبة غزل في الصبايــــا
عجبي !!! | |
|
| | |
نورسين
مشرفة كلام كبار وأديبة العشاق
عدد الرسائل : 1003
العمر : 38
تاريخ التسجيل : 26/02/2008
| | موضوع: الباقى الإثنين مارس 10, 2008 5:26 am | |
| عيني رأت مخلوق في غاية البشاعة
أنا قلت له لما تأملته ساعـــــــــــــة
اللذه و الموت علموك اللــــــــــزج
و انا علموني الفلسفة و الشجاعــة
عجبي!!
غطس وقب الموج نهود بمبي
من ألف جيل جمالات ما تعلم بي
يا قلبي عيب دول امهاتنا القدام
أستغفر الله العظيم ربـــــــــــــي
عجبي !!
علقت في المسمار قناع مهزلة
ومعاه قناع مأساة بحزنه ابتـــلا
بصيت لقيتهم يشبهوا بعضهـــم
واهو ده العجب يا ولاد و الا فلا
عجبي !
لولا اختلاف الرأي يا محـــــترم
لولا الزلطتين ما لوقود انضرم
و لولا فرعين ليف سوا مخاليف
كان بيننا حبل الود كيف اتبرم ؟
عجبي !!!!
يا وردة قلبي معاكي في الريح لعب
لا تعبتي م الريح و لا قلبي تعــــــــب
احنا كده : نرتاح في صخب الجنون
و في السكون بنخاف قوي و نترعب
عجبي | |
|
| | |
قاضية العشاق
مشرفه قاضى الغرام
عدد الرسائل : 1107
العمر : 38
المزاج : عاشقة
تاريخ التسجيل : 21/02/2008
| | موضوع: رد: رباعيات صلاح جاهين الثلاثاء مارس 11, 2008 1:59 am | |
| وعجبى!!!!
الله عليه بجد
شكرااا ليكى يا نور | |
|
| | |
نورسين
مشرفة كلام كبار وأديبة العشاق
عدد الرسائل : 1003
العمر : 38
تاريخ التسجيل : 26/02/2008
| | موضوع: رد: رباعيات صلاح جاهين الثلاثاء مارس 11, 2008 4:13 am | |
| | |
|
| | |
نورسين
مشرفة كلام كبار وأديبة العشاق
عدد الرسائل : 1003
العمر : 38
تاريخ التسجيل : 26/02/2008
| | موضوع: الباقى الثلاثاء مارس 11, 2008 4:16 am | |
| مركب ورق من نفخة تتطـــــــــوح
ركبتها و الكل بيــــــــــــــــلوح
سوحت فيها اتنين و خمسين سنــــه
للآن ..... و لا بتغرق و لا تـــــروح
عجبي!!
عالجسر فت الصبح تحت الضباب
بين اللي لسه بينغرس و اللي طاب
ما اهتز قلبي لنبت طالع جديـــــــد
قد اللي ماشي .. وتحت باطه كتاب
عجبي !!
يا خالق الكون بالحساب و الجبر
و خالقني ماشي بلختيار و الجبر
كل اللي حيلتي زمزمية أمـــــــل
وازاي تكفيني لباب القــــــــــــبر؟
عجبي !!
قاعدة قناني الخمر ساكتة و ساهية
مع ابن آدم في الشبه متناهيـــــــــــة
مفيش كده روقان في لحظة تشوفهم
و بعدها بلحظه يودوا في داهيــــــه
عجبي !!!
حتة محارة وجدتها في يوم لقيـة
قالت لي شوف كيف الطبيعة شقية
نظرت للكهف اللي فيها و لقيــــت
إن الطبيعة كمان لا أخلاقيــــــــــة
عجبي !!!!
بلياتشو قال إيه بس فايدة فنونــــي ؟
و تلات وقق مساحيق بيلونونـــــــي
و الطبل و المزامير و كتر الجعـــــــير
إذا كان جنون زبوني زاد عن جنوني
عجبي !!! | |
|
| | |
نورسين
مشرفة كلام كبار وأديبة العشاق
عدد الرسائل : 1003
العمر : 38
تاريخ التسجيل : 26/02/2008
| | موضوع: الباقى الإثنين مارس 17, 2008 7:32 am | |
| نقطة مرارة كمان علي مشروبـــــــــــي
دوبها يا ساقي حسب مطلوبـــــــــــــــي
طعب الحياة .. مش برضه فيها و فيها ؟
ليالي وردي و نهارات خروبــــــــــــي ؟
عجبي!!
وسط الحطام اتفرجوا يا أنـــــــــام
تمثال ملك . و مبوله م الرخــــــام
لتنين نحتهم نفس أسطي الحجــــر
و كانوا ذات يوم كتلتين لسه خــام
عجبي !
عيد و العيال اتنططوا ع القبـــــــور
لعبوا استغمايه .. و لعبوا بابــــــور
و باللونات و نايلونات شفتشـــــــي
و الحزن ح يروح فين جنب السرور
عجبي !!
أنا قلبي كورة و الفراودة أكــــــــــم
ياما اتنطح و انشاط و ياما اتعكـــــم
و اقول له كله ح ينتهي في المعـــاد
يقول بساعتك ؟ و الا بساعة الحكم ؟
عجبي !!!
الضحك قال يا سم ع التكشيـــــــر
امشير و طوبه وانا ربيعي بشيـر
مطرح ما باظهر بانتصر ع العدم
انشالله أكون رسماية بالطباشيــر
عجبي !!!!
أهوي الهوي و همس الهوي في العيون
وبسمة المغرم ودمعه الحنـــــــــــــــون
و زلزلات الحب نهد الصبـــــــــــــــــــــا
أكون انا المحبوب أو لا أكــــــــــــــــون
عجبي !!! | |
|
| | |
احمد السيد السيد
عاشق واصل
عدد الرسائل : 906
العمر : 40
المزاج : عاطفى
تاريخ التسجيل : 20/02/2008
| | موضوع: رد: رباعيات صلاح جاهين الإثنين مارس 17, 2008 2:30 pm | |
| الاخت العزيزة
اشكرك على اهتمامك بشاعر العامية صلاح جاهين
انت مهتمة فعلا بالشعر والادب
اذا اردت المزيد عليك ب بيرم التونسى
وفؤاد حداد
الابنودى
وبهاء جاهين
وشكرا ليكى ع الرباعيات | |
|
| | |
نورسين
مشرفة كلام كبار وأديبة العشاق
عدد الرسائل : 1003
العمر : 38
تاريخ التسجيل : 26/02/2008
| | موضوع: رد: رباعيات صلاح جاهين الأربعاء مارس 19, 2008 1:37 pm | |
| | |
|
| | |
| | رباعيات صلاح جاهين | |
|
