تفكير شخص بسيط

على لسان كاتب

في شخبطة صحفية تحت عنوان "لما البلد تقولك..اخرس متتكلمش!!" كتب صديقى الكاتب الصحفي مصطفى فتحي منذ فترة ليست بالقصيرة بمدونته حوار دار بينه وبين فران.. وكان سمة وميزة حوارهما أنه كلام صريح فوق العادة.. إليكم التفاصيل نصا

مبحبش البلد دي لأني مشفتش منها حاجة حلوة..
الجملة قالها لي محمد الغريب..وهو شاب مصري يعمل في فرن بلدي في بولاق الدكرور..

محمد قال لي ان مصر تشبه كثيراً فرن العيش..حاولت أن أعرف منه لماذا يصف مصر بهذا الوصف لكنه فشل في أن يشرح لي أو أنا الذي فشلت في فهمه..سأكتب لكم ما قاله لي بالنص وآسف لو كان في كلامه ألفاظاً خارجة..

أنا عديت التلاتين سنة ومعملتش أي حاجة..مش عارف اتجوز ولا حتى عارف أمشي مع بنت حلوة..كل حاجة في البلد بتقولي اخرس متتكلمش..حاجة تقرف..بلد وحشة بصحيح!

أنا لو كنت مكان حسني مبارك كنت خليت الناس كلها سعيدة..كنت اهتميت شوية بالناس الفقيرة..بصراحة الراجل ده ظالم جداً وهيروح جهنم وهو راكب المجري!

لو قدرت اشتغل في شركة محترمة هكون سعيد وارتاح من نار الفرن اللي بتخليني عامل زي الفرخة المسلوخة يا مصطفى..انت طبعاً يا درش مش حاسس باللي بقوله لانك شغال صحفي في مجلة محترمة وبتتعامل مع ناس متربية..لكن أنا هنا بتعامل مع ناس بنت ديك كلب!

عارف..ولا بلاش لحسن تقول علية بعقدك..بص من الآخر البلد دي مبتحبش ناسها..بلد وحشة بنت ديك كلب عايزة واحد يظبطها بصحيح!!

قبل أن اتركه قلت له: مش ناوي تحب مصر؟

ل و( .......) مات هحبها من كل قلبي!!

وانتهت الدردشة وتركت تعليق على ما نقله صديقي من مقتطفات حواره مع الفران والذي كان كالآتي

أتفق معك يا مصطفى أنه من حقك أن تنقل كلام الشاب الفران الذي كره حياته ومعيشته لظروفه الاجتماعية السيئة والذي أيضا ربما تكون وجهة نظره صحيحة..
لكن يا صديقى الكريم بصفتك صحفي ولعلمي أن نظام المدونات يختلف كليا عن الصحافة إلا ما أقصده أنك رجل مسئول ولك دور في بناء مجتمعك أو هدمه ومن وجهة نظري المتواضعة والتي يمكن أن تكون خاطئة أيضا لكني مقتنع أن أسلوب الحوار والحديث عن الخطأ عندما ينقله مسئول يجب أن يناقش المسألة بشكل عقلاني وبعيد كليا عن الاسفاف بل يعتمد على نقل المضمون أو ابداء رأيه دون تجريح ولا أقول ذلك بقصد الخوف من المسائلة القانونية بل لأن الشعب الذي يسعى للتحضر عندما يواجهه أو يناقش مشاكله يجب أن يتخذ الأسلوب الصحيح لنقل معاناته أو مشاكله ومن ناحية أخرى ذلك يشوه صورتنا كعرب ويظهرنا كشعب غير متحضر وأهوج ويثبت في أذهانهم أننا شعب عدائي
فأرجو أن تنتبه لذلك في المرات القادمة مع علمي أنك لا تقصد هذا من خلال معرفتي بك لكن من يحاول أن يتعرف علينا من الآخر البعيد لا يعرف نيتك المقصودة

في النهاية أترك لكم حرية التعبير عن وجهة نظركم ومشاركتي بآرائكم..

بصراحة الراجل ده ظالم جداً وهيروح جهنم وهو راكب المجري!

حلوه الجمله دى

يعنى تفتكروا الدول التانيه مش عارفه الى احنا فيه
وبعدين ما كل حاجه بقت بتتعمل مسلسلات وافلام
وبعدين الدول المتحضره دى مبيخافوش من كلامنا ولا كلام غيرنا
وده الى خلاهم متحضرين
فاكرين فضيحية كلينتون
اهم لو كانوا سكتوا وقالوا ذى الكاتب ما بيقول
مكنشى ده بقى حالهم

هو انا معاكى فى ان الحوار كان ممكن ينقى اكتر من كده
وبعدين الراجل ده كلامه يمكن يكون صح لكن ده جزء من مجتمع
قصدى ان مش ده كل الشعب المصرى

شكرااااااااااا ليكى يا جميييييييييل

انا معاكى يا نور اكن ممكن ينقل الحوار بدون اسفاف

وبعيدا عن موضوع الاسفاف اعتقد ان الشاب والله اعلم بظروفه يمكن يكون معذوز بس مش مدرك

وبعدين مصر متتشتمش مصر اكبر مننا كلنا

يمكن الظروف يمكن فيه حاجه غلط بس مصر مش غلط

ميرسى جدا ليكو ولمشاركتكو فى الموضوع

» طلب بسيط......من ميدو