أسئله سياسيه مختلفه لشرح المثل الشعبى المصرى

السلام عليكم و رحمه الله و بركاته

أسئلة سياسية مختلفه لشرح المثل الشعبى المصرى

س1: بما تصف العلاقات المصرية الاسرائيلية؟
ج1: يا بخت من بات مظلوم و مبتش ظالم

س2: بما تفسر الموقف العربى أمام الأوضاع فى غزة؟
ج2: إذا كان الكلام من فضة فالسكوت من ذهب

س3: بما تصف العلاقات المصرية الأمريكية؟
ج3: اللى أكله ما هو من فأسه ... رأيه ما هو من رأسه

س4: بما تصف سياسة مصر الخارجية؟
ج4: دسنا الأرض اللى ما تنداس و بوسنا اليد اللى ما تتباس لا نابنا لا ذهب و لا نحاس

س5: ما هى سياسة مصر الداخليه؟
ج5: أضرب المربوط يخاف السايب

س6: ما هو نظام الحكم فى مصر؟
ج6: سمك لبن تمر هندى

س7: ما هو موقف الأخوان المسلمين من الحكم؟
ج7: عينى فيه و أقول أخيه

س8: بما تفسر الأداء الحكومى المصرى؟
ج8: إن كان هذا يكيدك أنا أزيدك

س9: بما تصف التصريحات الحكوميه؟
ج9: أسمع كلامك أصدقك أشوف أمورك أستعجب

س10: بما تصف زيادة معدل النمو فى مصر؟
ج10: إن كان الكذب حجة فالصدق أنجى

س11: بما تفسر التغيير الوزارى؟
ج11: ايه يعمل الترقيع فى الثوب البالى

س12: بما تصف الأخبار فى الصحافة الحكومية؟
ج12: قالوا الجمل طلع النخلة أدى الجمل و أدى النخله

س13: بما تفسر ميزانية برنامج البيت بيتك؟
ج13: اللى يعوزه البيت يحرم على الجامع

س14: بما تفسر تضخم ثروة أحمد عز؟
ج14: سبحان العاطى الوهاب من بعد الشبشب و القبقاب

س15: ما هو الفرق بين حزب الوفد و حزب الجبهة الديمقراطية؟
ج15: لا تعايرنى ولا أعايرك دا الهم طايلنى و طايلك

و فى النهاية أعزائى بعد ما شفنا قدرة المثل الشعبى المصرى على تلخيص الكثير من القضايا أحب أنهى حديثى بمثل شعبى أيضا لكنه فى تقديرى كان سبب من أسباب تعاسة الشعب المصرى ألا و هو:

اللى تعرفه أحسن من اللى ماتعرفوش

و طبعا هذا المثل إجابه لسؤال معروف أتركه لذكاء حضراتكوا اعمالا بالمثل الشعبى الذى يقول

من خاف سلم أسئله سياسيه مختلفه لشرح المثل الشعبى المصرى Biggrin

أسئله سياسيه مختلفه لشرح المثل الشعبى المصرى Biggrin

منقووووول

*****************************
*****************

ههههههههههههههههههههههههههه
حوة اوى ياحنونة

س5: ما هى سياسة مصر الداخليه؟
ج5: أضرب المربوط يخاف السايب

اظن كل من يلقب بالمحلاوى استوعب الدرس جيدا

بالمناسبة كل المعتقلين من المحلة تم الافراج عنهم طبعا عشان مكنش لهم دعوة كانوا بيتفرجوا

والامن خدهم عشان يقولوا ارقام " وتم القبض على 150 من مثيرى الشغب "عشان تبقى محبوكة

وعلى فككرة يا جماعه لولا الحصار اللى معمول عليا انا كنت جايبتلكم ما يثبت براءه اهل المحلة من التهم المنسوبة اليهم من تكسير عربيات الأمن المركزى بالصور

الأمن المركزى هو اللى كسر عربياته بنفسه كسروا زجاج سياراتهم اللى عليها شبك عشان يبرروا سبب قذف المواطنين بالقتابل المسيلة للدموع

حلو جداااااااااا يا حنين
معبره جداااااااااااااااااا
تسلمى يا جميل

اللى أكله ما هو من فأسه ... رأيه ما هو من رأسه

ميرسى ليكى يانور على المرور
وماشى ياابيه انا هاجى افك عنك الحصار اللى معمول عليك ده
نورتينى ياتوتا

جميل يا حنين
تسلم ايديكى
سلمت يداك

ميرسى للمرور ياعمتو

» أخف دم فى العالم دم الشعب المصرى
» النظام المصرى...سكتناله دخل بحماره