الحق و اطعم قبل فوات الاوان
اول حاجه لازم تحلل
علشان تعرف انت مصاب باي نوع من فيروسات السلبيه
الي هي اساسا فيروسات متوطنه في الوطن العربي و خاصه مصر و الفيروسات دي هي الي جايبنا ورا
(A)النوع الاول
من اخطر هذه الانواع النوع الي بيصيب اللسان
و اعراضه كالتالي
مش مشكله
مقصدش
معلش المرادي
يا عم هي هتيجي عليا
الخخخخخخ
و لو الفيروس وصل لمراحل متقدمه و بئه مزمن
ماليش دعوه
انا مالي ماهي بايزه بايزه
الخخخخخخ
و النوع ده تكمن خطورته في انه معدي ايوه معدييييي
لان الي بيسمع الكلام ده اكيد هيأثر فيه حتي لو كان سليم
(C)النوع الثاني صيب الانسان في عنيه
و دي ممكن اكتشافها في المشاكل اليوميه و اعراضها كالتالي
الشارع فيه عمود كهربا معووج و ممكن يقع
كتير بيعدوا عليه بس عندهم الفيرس دخل في مرحله العنين
فلما بيشوفوه ربنا يعافينا بيجيلهم عمىمؤقت و ميخدوش بالهم
و ممكن يكون العمود ده او الميه او الكهربا او اي خطر جنب بيته
بس هو عنده الفيرس فاكيد مش هيشوفو
و المشكله الاكبر ان يكون في حي كامل عنده النوع ده(بتحصل)ساعات
(B)النوع الثالث
اما النوع الاكثر خطوره هو الي بيصيب الانسان في ايده و رجليه
و هو درجتين
الدرجه الاولي
بيبان بسهوله في الشارع هتشوفو تعرفو ياكل و يرمي في الشارع و طبعا الزباله تتحدف من البلكونه
وده مش لطبقه معينه لان ممكن تلاقي اجمد العربيات و اروش الشباب و ابيء الشباب بيعملو كده
الدرجه الثانيه
وده انا شايف ان الحكومه لازم تعمل تحليل لموظفيها قبل ما يكونو موظفين حكومه
لان البلد مش ناقصه و هم للاسف ماليين الوظائف الحكوميه
و ممكن معرفه الشخص المصاب بسهوله
ممكن تعرضه لجرعه من المال العام او السايب وهتبان النتيجه بسرعه
مثال هات مجموعه شباب انت مشتبه في انهم مصابين وحطهم في مكان عام
حديقه او كورنيش او استاد(بدون اداره)و الحاله الهستيريا هتبان بسرعه
تلاقي واحد بيكسر في عمود واحد بيهز الشجر جامد عايز يوئعه
واحد بيدوس في الزرع كانه في بينهم حاجه ولو في ورد او اي شيئ من هذا القبيل اكيد هيخدوه في سكتهم
و احنا هنا هنحاول نعرف ايه هو نوع الفيرس و ايه العلاج الامثل و لو فيه تطعيم هنطعمكم
الخميس فبراير 28, 2008 3:50 am
