عدد الرسائل : 1003 العمر : 38 تاريخ التسجيل : 26/02/2008
موضوع: ياترى إنت كمان جاهز للتطبيع؟؟؟ الثلاثاء أبريل 01, 2008 12:52 am
قد يكون العنوان مستفز
بس ده حوار حصل بينى وبين مى هيا صحفية وشاطرة جدا هيا صديقة مقربة وبصراحة مشكورة بتجيبلى الاخبار ع طول كان الحوار هذا
ولكن هاقولك بصراحة أصل أنا بقيت خائنة
فعلا خائنة لبلدى وعروبتى واسلامى وكل شئ وعلى فكرة مش أنا لوحدى ده احنا كتير أوى هاحكى لكم من البداية وازاى اكتشفت ده .... فى مرة كنت قاعدة فى الأهرام مع أساتذة كبار من الصحفيين الاقتصاديين بعد مؤتمر صحفى عقده المالك السعودى الجديد لعمر افندى وكان مجال حديثنا كله أن الراجل ده شكله مشبوه وأنه لا يريد يطور فعلا المحلات ولا اى شئ وهدفه فى النهاية الحصول على قروض وجنى أرباح بطرق غير مباشرة وهو يعلم أن هذه الطرق ستفقده بالتأكيد عمر أفندى وقال أحد الصحفيين الكبار : مش بعيد يبيعه لمستثمر اسرئيلى فلم أشعر بنفسى إلا وأنا بقول له : وايه يعنى مستثمر اسرائيلى .. المشكلة مش فى كدة المشكلة أن الراجل ده شكله مشبوه وفجأة لاقيت هجوم فظيع عليا من كل الصحفيين الموجودين ....ايه يعنى مستثمر اسرائيلى!!!!1
بقى احنا قاعدين بندافع عن رموز هامة فى البلد وأنتى جاية تقولى كدة قلت لهم احنا مش ماضيين اتفاقية سلام واتفاقية الكويز وكلنا عارفين أن معظم رجال الأعمال اللى بنتعامل معاهم بيتعاملوا مع اسرائيل وعند هذه الجملة وعند هذا الهجوم وعند تأملى لكلامى ولنفسى حسيت انى فعلا بدأت أقع فى وادى مظلم نسيت فيه أشياء كثيرة جدا أهمها تاريخنا وأعدائنا الحقيقيين
وتأكدت أنى أعانى من فقدان ثقافة الصراع الحقيقى بينا وبين اسرائيل التى قال عنها الكاتب محمد حسنين هيكل وأشار الى أهميتها وضرورة عودتها مرة أخرى لأننا لسنا فى امان كامل
الموقف الآخر الذى أثبت لى بأنى لست وحدى الخائنة لبلدى و لعروبتى ولتاريخى ولاسلامى كنا فى دورة ثقافية فى مركز الأهرام الاستراتيجى وكان أغلب الموجودين طلبة جامعة من سنة 18 الى سن 25 سنة
وكانت المفاجأة أن مصطفى الفقى السياسى المعروف ورئيس لجنة العلاقات الخارجية بمجلس الشعب هو الذى سيلقى علينا المحاضرة
فتكلم كثيرا عن مشاكل المنطقة وعلاقات مصر ودورها فى المنطقة والعلاقات الدولية التى تقوم على المصالح وقام أحد الطلبة وهو طالب فى كلية سياسة واقتصاد قسم علوم سياسية يسأله لماذا لا نتعاون مع اسرائيل ونستفيد من خبرتها فى التكنولوجية النووية واحنا بنعمل مشروع الطاقة النووية المصرية ؟؟
ولن أنسى رد مصطفى الفقى أبدا عليه وهو شبه غاضب يقول له .. ياه هو أنت جاهز للتطبيع بالدرجة ديه ؟؟ لم تجد الا اسرائيل لكى تأخد منها التكنولوجيا بتاعتها ما عندك كل دول العالم وأولها الهند لكى تستفيد منها ثانيا . هل تعتقد أن اسرائيل ستعطيك شئ أساسا .. هى فعلا قد ترحب ولكنها ستعطيك السم فى العسل للأسف الموقف ده أكد لى فعلا أننا - الشباب - فقدنا ثقافة الصراع مع أعدائنا خاصة مع أهم عدو وهو اسرائيل فمن يحلل موقف هذا الطالب سيعرف أنه جاهز للتطبيع واعترف باسرئيل كدولة بجوارنا لنا حق التعامل معها متناسيا أن اسرائيل قد قامت على كثير من دماء المصريين والعرب وتشريدهم وأن هذه الأرض كان مكانها زمان دولة اسمها فلسطين
يبدو اننا نسينا القضية الفلسطينية أساسا
ونسينا أن أمن فلسطين وغزة يؤثر على مصر
ونسينا أن هدف اسرئيل الحالى هو أن تجعل سيناء ملجأ لآلاف الفلسطينين التى ستطردهم من أرضهم
وتسبب لمصر مشاكل كثيرة أعترف لكم أنى ألوم نفسى الآن وألوم كل جيلى وأعترف أننا نستحق القتل فى ميدان عام رميا بالأحذية وليس رميا بالرصاص ولكن هناك أمل أننا يجب أن نعيد قراءة تاريخنا ونعيد ترتيب أولويات حياتنا وألا ننساق وراء التفاهات من القضايا وعندما تعود ثقافة الصراع لنا ليس مطلوب منا أن نحارب فى وقت السلم ولكن مطلوب منا الحذر الدائم والايمان بقضايانا ومنافستهم فى كافة المجالات يجب أن نعلم أن اسرئيل التى لم تنشأ الا من فترة قليلة استطاعت أن تحصد المراكز الأول فى التعليم والبحث العلمى والتكنولوجيا وبتطورها هذا ستصبح خطر علينا اكثر لابد أن نعيد النظر فى الموقف والقضية ومعنى موقفنا اننا لا نتذكر قضيتنا فى فلسطين الا عند الكوارث ورؤية مجموعة الصور للاطفال الشهداء وهدم المنازل والتى بدأت تختفى من الاعلام رغم انها تحدث كل يوم وكل ساعة
ويبدو اننا لن نستيقظ الا بعد هدم المسجد الأقصى ولكن فى هذه اللحظة لن يكون لنا الحق فى أن نقول أن هذه هى أرضنا وأرض العرب ياترى هاتصحى زينا ولا أنت لسه جاهز للتطبيع ..؟؟
احمد السيد السيد عاشق واصل
عدد الرسائل : 906 العمر : 40 المزاج : عاطفى تاريخ التسجيل : 20/02/2008
موضوع: رد: ياترى إنت كمان جاهز للتطبيع؟؟؟ الثلاثاء أبريل 01, 2008 12:59 am
لا انا صاحى شكر ا ليكى ع الموضوع كتير بجد حسيت باحساس غريب لما قريت الموضوع مش عارف اوصفه دلوقتى مرة تانية شكرا ليكى
نورسين مشرفة كلام كبار وأديبة العشاق
عدد الرسائل : 1003 العمر : 38 تاريخ التسجيل : 26/02/2008
موضوع: رد: ياترى إنت كمان جاهز للتطبيع؟؟؟ الثلاثاء أبريل 01, 2008 1:06 am
ميرسى جدا يا أحمد بس حسيت بإيه مستنية أعرف وميرسى جدا ليك
قاضى العشاق المدير
عدد الرسائل : 856 العمر : 39 المزاج : خائف تاريخ التسجيل : 20/02/2008
موضوع: رد: ياترى إنت كمان جاهز للتطبيع؟؟؟ الثلاثاء أبريل 01, 2008 1:14 am
لا انا كمان صاحى
واللى اثبتلى الوقف ده لما كنت فى نويبع وطابا ولقيت معظم اللى هناك يهود
وخاصة الشباب بيمشوا فى البلد ولا كأنها بتاعه ابوهم
كمان للأسف بيعاكسوا مصريات عاملات هناك
واللى يستفزك ان البنات معظمهم معندهمش مانع يقعدوا ويهزروا معاهم
انا بمجرد ماشفتهم لقيت نار جوية كنت عايز اكلهم بسنانى
نورسين مشرفة كلام كبار وأديبة العشاق
عدد الرسائل : 1003 العمر : 38 تاريخ التسجيل : 26/02/2008
موضوع: رد: ياترى إنت كمان جاهز للتطبيع؟؟؟ الثلاثاء أبريل 01, 2008 1:27 am
عندك حق ياميدو والله ميرسى جدا لكلامك
قاضية العشاق مشرفه قاضى الغرام
عدد الرسائل : 1107 العمر : 38 المزاج : عاشقة تاريخ التسجيل : 21/02/2008
يا بنتى الاعلام بتاعنا هو الى بينيمنا بيصور لنا الى بيعرف دينه ارهابى والى ماسك لنا خنجر حبيبنا والى ميعرفشى يقول ................................... يرحمكم الله
نورسين مشرفة كلام كبار وأديبة العشاق
عدد الرسائل : 1003 العمر : 38 تاريخ التسجيل : 26/02/2008
الثلاثاء أبريل 01, 2008 12:52 am
