لماذا يجب ع الحب أن يموت؟

ألأن الموت ثمن أرخص وأهون من الخيانة ؛ أم لأنه لم يعد للحب في زماننا وجودطيب .. نقول إحنا عايشين إزاي وبعدين نشوف ينفع الحب يعيش في الزمن اللي عايشين فيه.. ولا أحسنلة يموت ؛ وننسى بقا كلمة حب في زمن أغلبة خاينين.عايشين إزاي؟ .. زعلانين من الدنيا والدنيا زعلانة علينا ؛ وطبعا مش فاهمين ..طيب تعالوا أقولكم قصدي إيه..زعلانين من الدنيا علشان مبتديش عايز ولا محتاج .. بنحلم ونتعب وبعدين ..مافيش ؛ نجتهد ونذاكر ونتخرج .. ده لو اتخرجنا .. وبعدين على القهوة أكتر من شبابنا متلأيش.هو ده بس؟.. لأ طبعا .. بصوا كويس .. نحب ونخلص سنين وبعد الحب والإخلاص والمشاعر .. ابقو قابلونى لو الحب يعيش.أوضح أكتر .. ماشي .. وماله .. قال يعني مش فاهمين ولا شايفين ولاسامعين ولامجربين ؛الحب يعيش إزاي وفلوس مافيش؟! ..هنكلها بدقة وهيعيش .. روح ياواد انت وهي ألعبوا بعيد .. متزعلوش أوي كده .. اسمعوا بس ومتزقوش ؛ أولا أنا مش ضدكم لأني واحدة منكم ؛ بحس زيكم وبحب زيكم وبتألم زيي زيكم بالظبط..بقول كده ليه؟! .. علشان كل حكاية قابلتها وشوفتها بتبتدي باتنين حلوين .. حبيبة جامدين .. بحبٍك و بحبًك وبعدها شهر وللا اتنين وللا حتى سنين .. وبعدين للحلال نجيب منين ؛ وتبتدي الأعذار .. أصل عندي جيش .. ده طبعا العاشق الولهان ؛ ولو وحيد ماما يقول أصل الظروف والدنيا وحال البيت .. ومش كده وبس.. لا في جمل أنقح يقولها البيه ..وعلى طريقة عماد حمدي يسبل ويعيش دورالشهيد ويتنحنح ويقولها بكل برود ..(أنت خسارة فيا)؛(أنت من كوكب نضيف وأنا....من كوكب تاني ؛ لا عمري هعرف أطلعلك ولا عمرك هتقدري تنزليلي) وياسلام لو تقل العيار شوية كمان وعاش الدور وقالها (معاكي عشت في جنة بس مقدرش اظلمك معايا ؛أنت كويسة زيادة عن اللزوم ) ؛ وطبعا يقصد زيادة أوي عليه .وبكده ضرب الباشا حوار خلوص بكلمة حنينة..ياعيني..طيب يعني هم البنات اللي ملايكة.. لأ طبعا .. ده دول زي القطط يكلوا وينكروا ؛ إن كيدهن عظيم .. بنات حوا طبعا المقصودين..طبعا تفضل البنت من دول تحب وتتنحنح وتاخد في دباديب وأرانب ؛ وده عيد حب وده ذكرى أول يوم شفنا فيه بعض؛ ودي سنوية حبنا بنات بقا.. ولب وترمس وذرة ؛ ويكع البيه الفييس .. وبعدين أصل جالي عريس وماما وبابا مصممين وسلام ياعم الحلوين ومعطلكش .. وطبعا طارت العصفورة يا مسكين .. وأدي دقني لو شاف ست الحلوين.إية رأيكم ؟ لسه مني زعلانين ؟!عموما كلمة حق لابد منها .. الناس بقت معظمها كده إلا ما رحم ربي ودول للأسف قليلين وأغلبهم مع الخاينين مظلومين .. للأسف طيب ده أحنا ؛ أمال الدنيا زعلانة علينا ليه؟.. محدش سألني يعني ..أنتم نمتوا مني ولا إيه؟! ..أقولكم .. أصل الدنيا مزعلها حالنا وتصرفتنا ؛ حزينة على اللي بقينا فيه ..إستسلام وخيانة وواقع مهين .. يبقى العيب فينا ونرميه عالدنيا .. ينفع كده يا شباب ؛ ده ربنا بيقول Sad

لا يغير الله ما بقوم حتى يغيروا ما بأنفسهم ) ؛ وطبعا ده إحنا مش فالحين فيه..مبقيناش فالحين غير في الضحك والهزار والتظبيط ؛ مبقولش أن كله بسببنا بس برده مينفعش حتى لو الحال مش هو؛ نقول ما احناش لاعبين.. صح ولا إيه؟آدي أحنا وآدي الناس الخاينين و آدي الدنيا..بالزمة مش أشرف للحب يموت .. ولا إيه؟

التوبيك جامد جدا يانور
ميرسى ليكى

كده يانور
حرااام عليكى طب ايدينا امل نعيش
لأن لو الحب مات هموت معاه

الناس بقت معظمها كده إلا ما رحم ربي
لا طبعاااااااااااااااااااااااا مش المفروض للحب انه يموت
اللى التوبيك بيتكلم فيه ده مش حب
الحمد لله الذى عفانا منه

يابنتى الدنيا دى بعد موت الحب زى ما بتقولى هتخرب اكتر
وانا قصدى الحب الصادق
اللى ينتهى بتكوين اسرة مسلمة مؤمنه
باستثناء الماديات اللى بتتكلمى عنها
لانى شفت نماذج كتييييييييييييير
وماشاء الله ربنا يبارك فيهم
رغم بعض المشاكل اللى بتحصل بين اى زوجين يعنى
عموما شكراااااااااااااا ليكى يا جميل ع التوبيك الجامد ده
يستحق المناقشه حلوة

موضوع جميل جدااا

ميرسى جدا لردودكم

بس ياجماعة أنا مع الحب ووجوده وأهميته بس خلينا واقعيين ده واقع شبابنا دوقتى وظروفه اللى بتخليه يعيش نفسه ومش مهم بيعيش إزاى وع حساب مين ومين يموت عشان هوة يعيش وهكذا وده فعلا موجود وبنسبة مرتفعة جدا جدا جدا

لا يا جماعه الحب الحقيقى عمره ما يموت

ميرسى يا أية لمشاركتك

» لماذا ينتحر المشاهير
» لماذا هذا امام المحارم
» وامصيبتاه ! لماذا انتحر؟؟؟؟؟
» لماذا قلوبنا تعيش
» لماذا نؤذن فى اذن المولود الجديد