نؤيد سيادتك.........

جايز هتشوفه إنها تتحط فى منتدى مواهب بس هنا الموهبة مش اللى بتفرض نفسها لا المأساه هيا اللى بتفرضها علينا

بقلم / محمود رضوان

نؤيد سيادتك لفترة جديدة
نكمل خلالها المسيرة السعيدة
و بالمرة فيها نبيع الحديدة
مفيش حاجة تانية نبيعها خلاص
نؤيد سيادتك لأجل المزيد
من اللي تحقق بفضلك أكيد
بقينا خلاص ع الحميد المجيد
و ربك لوحده ف ايده الخلاص
***
نبايع سيادته ولا حد غيره
كفاية علينا نبرطع ف خيره
و نام شعب مصر العظيمة و شخيره
يقول للحرامي ما تسرق كمان
نبايع سيادته و ابنه و حفيده
مفيش زي فكره قديمه و جديده
خرابك يا مالطة حيحصل بايده
و مين فيكي يعني بيسمع آذان
***
نبوس ايد سيادتك و رجلك كمان
تخليك معانا يا ريس عشان
وجودك ضرورة فرضها الزمان
و من غير وجودك حقيقي نضيع
دي مصر بتاعتك و احنا ضيوفك
كفاية علينا يا ريس نشوفك
و عاذرين سيادتك و فاهمين ظروفك
عليك بس تؤمر و احنا نطيع
***
في جزمة سيادتك كلابك يبوسوا
و فوق الغلابة بجزمهم يدوسوا
و شعبك ليلاتي يا ريس غموسه
مذلة ومهانة وحوجة و مر
لكن يعني مادمنا شعب انتساب
و دايما و أبدا في حالة غياب
متعملش لينا يا ريس حساب
دي عزبة سيادتك و فيها انت حر
***
و دستور مدستورش مش فارقة خالص
كلام فاضي كله يا فندم بناقص
كفاية علينا الفساد اللي ماصص
عرقنا و معشش و ضارب جذوره
و ايه يعني تهري جتتنا البلاوي
يوماتي كوارث فضايح رشاوي
كفاية علينا القعاد في القهاوي
بنستنى لما الوريث ييجي دوره
***

يعنى اعتقد لو وصلتله
كفايه عليه

ميرسى يا أحمد بس أكيد واصلهم كل حاجة بس إحنا عادة بنعمل إننا مش واخدين بالنا

على فكرة والله الراجل
مظلوم ؟؟؟؟؟؟؟
التقارير بتوصله غلط
هو يمكن غلطان
ان هو مش متابع بنفسه
بس الوزراء
بيقولوله
كله تمام
يا افندم

هههههههههههههههههههه إذا كان كدة معلش بقى نعذره إنت أدرى برضه ياأحمد واضح إنك من المقربين ليه
شكرا ياجميل لردك

طيب ياريت اكون من المقربين
هو انا كاره
لابد ان يكون الشعب فقراء
لان الفقراء يدخلون الجنة
شكرا ليكى على المرور

انا مع احمد يانور

اكيد بتوصله تقارير غلط

وبعدين يانور احنا قولنا كلام كبار بلاش تودونا فى داهية ههههههههه

يلا ياميدو هيحصلنا إيه أكتر من اللى إحنا فيه جمد قلبك هيا بايظة بايظة

والله الواحد احتار
مش عارفين الرئيس عارف حقيقة شعبه ولا لاء
بس انا بميل اكتر انه يعرف
هو قال فى برنامج من البرامج
انه بيقرأ كل الصحف والمجلات
ومش بيسيب صفحة
واعتقد ان دول فيهم بلاوى
ميرسى يانور

يا جماااااااااعه متخلوش الفيلم يسيطر عليكم
هو اكبر من انه ينضحك عليك بكتيييييييييير
ده راجل حارب فى 73
بس يمكن هو مشغول بالاحوال الخارجية اكتر
بس على فكرة مصر مش هتمشى الا بيه
ده دلوقتى عارف هو بيعمل ايه ورايح بينا فين
ربناااااااااااا يستر

ميرسى ياتوتا وربنا يستر فعلا

انا مش معاكوا
سيدنا عمر لما كان امير للمؤمنين
كان بيقول لو تعثرت ناقه بالعراق لسئل عنها عمر
وهو يعنى مش عارفقد اديه الشعب عايش فى غلب
والى حواليه مين الى عينهم
حتى الى بننتخبهم اسفه اقصد الى بيقولوا بننتخبهم احنا فعلا بننتخبهم ولا مفروضين علينا

لا يا أية بننتخبهم لا كله الا نقطة الديمقراطية ده احنا البلد اللى واخد حريته هههههههههههههههههههههههههه

والله هم يبكى وهم يضحك

ميرسى ياأية والله عندك حق