محمد البهلوان
عاشق جديد
عدد الرسائل : 1
العمر : 49
تاريخ التسجيل : 11/04/2011
 | موضوع: رسالتي الأخيرة  الإثنين أبريل 11, 2011 11:22 am | |
| مين سبب افترقنا يا حبيبتي
انا ولا انتي
ولا انا وانتي
ولا يعني ظرف كان من الظروف
قدر علينا
دمع عينيا
غرق مدينتك
غرقت سفينتي
مين سبب افترقنا يا حبيبتي
انا ولا انتي
ولا انا وانتي
مكنتش اعرف من الحروف
غير حروفك
ومكنتش بنطق بحب غير
لما اشوفك
كانوا يقولوا شوفوا محمد
وشه ضاحك قد ايه
اصلي لما بيشوف حبيبته
الدنيا تحلي جوه فعنيه
لكن خسارة
يا ميت خسارة
علي اللي ضحي
ضحي بيه
وهو اللي عاشق
تراب حبيبته
يقدر يفترق
عنه لحظة
ولا ايه
مين سبب افترقنا يا حبييبتي
انا ولا انتي
ولا انا وانتي
أول لحظة شوفتك فيها
قولت انا ليها
انا بيها
انا ملكها وعشقها
انا اللي هخاف عليها
من الكحل اللي فعينها
وكنت بغير يا حبيبتي
من نسمة هوا
تطير فوق خدودك
وبقول لازم اكون
ديما حدودك
محدش يقدر يقرب من حصونك
مانا سبع السباع
حارس
وشهم وزين وعفي
وفارس
وبحبك يا حبييتي
ولكن
مكنتش ليه بحبك فايز
مين سبب افترقنا يا حبيبتي
انا ولا انتي
ولا انا وانتي
حبيت كل حاجة
كل حاجة انتي بتحبيها
وعشقت ودوبت فغنوة
فاكره يا عمري
لما كنتي بتغنيها
( جوايا ليك احساس بيكبر كل يوم ..
العين تنام والقلب عمره ما جاله يوم ...)
انا وانتي وحدنا
والنيل قصادنا
بيضحكلنا
بيقولنا
عشاقين دايبين
اياكم تفرقوا عن بعضكوا
وتشمتوا اللايمين
مين سبب افترقنا يا حبيبتي
انا وانتي
ولا انا وانتي
القصة والحكاية
كانت اكبر منك انتي
كانت اكبر من هواكي
واللي باكي مكنتش انتي
والنهاية ليه حزينة
ليه الئيمة
ليه الم في جرحي وامشي
وانتي
ياللي سميتك حبيبتي
واقفة
شايفه
حاسه بيا
وانتي ولا انتي حاسه بيا
اه
اه بقولها
جرحي واجع قد ايه
وانتي
ياللي سميتك حبيبتي
مش حاسه بيه
والغريبة
والعجيبة
بعد بُعدي عنك انتي
الاقيك يا حبيبتي
مع حد تاني
ايدك في ايديه
واسأل نفسي
مرة تانية
ومرة عاشرة
وللمليون
مين سبب افترقنا يا حبيبتي
انا ولا انتي
ولا انا وانتي
جميع الحقوق محفوظة
للشاعر محمد معوض
ويحظر نقل او نسخ لمنتديات اخرى
بدون اذن الكاتب
لحفظ حقوق الملكية الفكرية والأدبية والمعنوية
[b] | |
|
