مستوصف الصفاء الخيرى

بسم الله الرحمن الرحيم
من منطلق (الدال على الخير كفاعله) نخبر كل من يهمه الامر بانه تم افتتاح مستوصف الصفاء الخيرى بقريه السجاعيه فى معظم التخصصات ويتم تزويد المستوصف باجهزه طبيه حديثه وبنخبه من الاساتذه الكبار فى معظم التخصصات
وكمان اسعار المستوصف فى متناول محدودى الدخل
وبما انى من اهالى هذه القريه بحس ان البلد بتطور وكمان الثقافه اللى فيها اتغيرت وبقى فيها خير
فى ناس كتير كانت تروح المحله علشان تكشف وفى ناس كمان مكنتش قادره انها تكشف بسبب الفلوس
دلوقتى المستوصف وفر الفلوس والمواصلات
بقيت بحس ان فى رعايه طبيه ماشيه فى البلد
يا ريت الكل يساعد يا جماعه حتى يخرج المستوصف الى النور
لسه فى اجهزه المستوصف محتاجه ولسه فى ناس مريضه محتاجه تتعالج
كنت اتمنى ان المنتدى بتاعنا يقدر يشارك باى جزء
ممكن نجمع اى مبلغ ونحطه فى المستوصف كانه صدقه جاريه على روحنا
وطبعا كلنا عارفين بعضنا ونقدر نجمع المبلغ
مش مهم المبلغ كام المهم اننا ساهمنا وكان لينا دور ونشاط يا ريت يكون فى اهتمام بالموضوع ده وكل واحد عنده راى فى الموضوع ده يشارك بيه
منتظر ردودكم

فكره جميله يا حوده
ربنا يوفقك
ابدا واحنا معاك

انت محترم ... والفكرة ممتازة
ولابد من أن نساهم جميعا لنساعد فقراء المرضى
ونحن نشكر كل من ساهم أويساهم فى فعل الخير
رحمة الله على صاحبة فكرة المستوصف ودار تحفيظ القرأن
ربنا يجعل كل أعمال الخير فى ميزان حسناتها