عاوزة عريس ولا نشال

الحكاية دي مايعرفهاش أي حد غير انا و ماما ..ماحكيتهاش لأي حد من أصحابي

احمم..مقدمة... عارفين ايه احساس واحده و هي ماشية في الشارع و تحس ان حد معجب
بيها..مش معاكسه يعني و كده ..لأ بيبقى فيه كده مواقف غريبة ..و على فكرة فيه
جوازات كتير بتبدأ كده ...واحد يشوف واحده في الشارع..يمشي وراها ..يعرف ساكنة
فين و يسأل عليها و يخطبها ..ابن عمي عمل كده مع واحدة بس لسعته حتت قلم على وشه ..علم
على صداغه 3 أيام ..هو اتكيف قوي و قال "البت دي واضح انها مؤدبة و متربية "
وراح خطبها ..آه والله..هي صحيح بعد كده اتضح ان ايديها بتطول في كل
المواقف مش في الموقف ده بس ..بس و الله الراجل مبسوط و بيحلف باليوم اللي
شافها فيه..و بيلعن ...!! ولا بلاش
المهم أنا يوم نازله من البيت رايحه الشغل..حسيت ان فيه عين هتخرم قفايا ..بصيت
ورايا بسرعه كده في الخباثة لقيتلكم راجل انما ايه ..طول بعرض بارتفاع.ماسك في
ايده شنطة سودا ولابس بدله و كرافته و نضارة شمس....عامل كده زي العيال اللي
بيطلعوا في الإعلانات..المهم الواد كان حليوة و انا قلبي هفهفله أول
ما لمحته ..استنيت شوية ع المحطه و بعدين جه الميكروباص..ركبت راح راكب
ورايا..قلت الشياكه دي كلها هتركب مكروباص ليه يعني؟؟..أكيد في الأمر إن ..و
جِه كمان قعد جنبي ....يا حلولي يا حلولي..بس كنت خايفه ليعاكس و ساعتها أنا
ماعرفش أبويا ...باللي ف رجلي و لايهمني لا شباب إعلانات ولاحتى جمال مبارك
ولا حاجه أبدا..بس لاقيته في نص المسافه كده ..بيميل عليا و بيقول باسلوب رزين
كده :

- ...لو سمحتي ممكن أسأل حضرتك على حاجه ..

* وانتوا ماتعرفونيش... باتسطل لما حد يقولي حضرتك ..بس برضه مش سهله يعني..

صدرت الوش الخشب و قلتله ..خير بمناسبة ايه ؟...

- يعني كنت عايز أسأل بس ..هو حضرتك مرتبطه ..واضح انك مش مخطوبة ولا
متجوزة ما فيش دبلة في ايديكي ..بس الإرتباط بأه لازم أتأكد منه من حضرتك..

* (حضرتك تاني يا حلولي).. قلتله والله الكلام ده ما يتقالش في مواصلات و بعدين انا
ماعرفكش و مش متعوده أكلم حد ماعرفوش ..

- طب يعني أنا لو معجب بحضرتك و عندي نيه أتقدم رسمي ..أعمل ايه ..
أصلي بصراحه متابعك من مده بس دي أول مرة أتشجع و أحاول أكلمك ..
* ياحلاوة ياحلاوة متابعني من زمان ...ده واقع بأه..بس برضه على
مين ..لازم أثبت .. قلتله و الله لو حضرتك متابعني زي مابتقول تبقى عارف بيتي و عارف
بابايا ..هو الوحيد اللي ينفع يتكلم في المواضيع دي ..لو سمحت ماتحرجنيش اكتر
من كده ..جامده جامده يعني ...

- الحقيقة انت كده أثبتيلي اني أحسنت الإختيار....

* ياسلام ياسلام..الله الله ..هو ده الكلام ...لحد كده الأمور كلها صح و مية مية ..

صديته آه بس كمان قلتله كلم بابا..سيبتله سكه مفتوحه يعني .
الواد بأه التباع راح شاخط فيا في اللحظه دي ..الأجرة يا أبله والا هتركبوا
ببلاش...يابن اللذينا ..دانا عماله أترسم من ساعتها تبعتر كرامتي كده ؟...جيت
أمد ايدي جوه الشنطه لقيتلكوا الأخ بأه راح بسرعه مطلع فلوس و محاسبلي ..لأ
مايصحش ..لأ بأه اسمحيلي ..أنا لا يمكن أقبل واحده هاتقدملها تدفع و انا موجود
...وجون وجون وجون ..هيتقدملي خلاص أيوة كده هو انا صحيح ماعرفش هو بيشتغل ايه
و الا عايش فين والا بيقلد فنانين والا ايه نظامه بس الجواب بيبان من عنوانه.

وانا نازلة من المكروباص لقيته نزل معايا في نفس المحطه و بصلي و قاللي:

- أنا حبيت أنقذك يعني في المكروباص ..واضح قوي انك ماعاكيش فلوس...

* الدم ضرب في نافوخي.. انت هتتمنظر عليا والا ايه ؟..

- واضح ان شنطتك فاضية آخر الشهر بأه يالا وفرتلك أجرة المكروباص تنفعك..

* بصتله بذهول كده و قلت له ..مين اللي قالك الكلام الفارغ ده ..

انا عمري مامشي بشنطتي فيها أقل من 300 جنيه..

- قالي باستهزاء كده ..لااااا ماصدقش..

* الدم كان خلاص قرب يطلع من نافوخي زي النافورة..رحت مطلعه كل
اللي في المحفظه مورياهولوا ..أهه حتى شوف 50-100-200-220
لقيته مد ايده اخد الفلوس..وبصلها كده وعدها وقاللي آه صحيح انتي معاكي فلوس
أهه

و في لحظه راح مطبقهم و حاطتهم في جيبه ..و قاللي انا هاخليهم معايا بأه
سلف لحد لما آجيلكم البيت ..

ما ستوعبتش و قبل ما آخد فرصة أقول كلمه واحده

كان راكب ورا واحد على موتوسيكل شكله كده كان ماشي ورا المكروباص و هوا ..فص ملح و داب

أختكم بأه واقفه في وسط الشارع هابلااااااااااه ..زي اللي اتدلق عليه جردل مايه
مش نضيف..مش عارفه أصوت والا أطلع أجري وراه والا ألطم على وشي ...فضلت واقفه
يجي خمس دقايق في الشارع مش عارفه اروح فين والعربيات تقعد تزمرلي و لما
تلاقيني مسهمة تقريبا اللي سايقين يقولوا في نفسهم دي يا إما طارشه يا إما
مجنونة يا إما م اللي بيبيعوا مناديل ...و الناس تعدي تبصِلي... و العيال
الصغيرة يشدوا في هدوم أهاليهم ..بابا بابا هي الست دي عامله كده ليه؟

بعد شوية كده لفيت و دخلت مكان شغلي اللي باشتغل فيه ..و على وشي تعبير كده زي
تعبير العمده الآلي بتاع زمان ..دخلت..قعدت ع المكتب ..و فجأه .....انفجرت في
العياط ..و العيال زمايلي اتلموا حواليا..مالك ..فيه ايه؟...حد زعلك ..حد كلمك؟

من بين العياط و الشحتفه ما اقدرتش أقولهم غير كلمه واحده

اتسراااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااقت

م
ن
ق
و
ل

هههههههههههههههههههههههههههههههههههههههههههههههههههههههههههههههه

واد لعيييييييييييييييييييييييييييييييييييييييييب وجاااااااااااااااااااااااااااااااااامد لعيب

تعيش وتأ خد غيرها

تسلم ايديك يانودا مبطلتش ضحك جامده مووووووووت

اوعى تكونى انتى يانودا اللى اتسرقتى

هههههههههههههههههههههههههههههههههه

لالالالالالالا
مش تخافى عليا
وبعدين بتقولك ماما
هههههههههههههههههههههههههههههههههههه

هههههههههههههههههههههههههههههههه

جاااااااااااااامدة موووووووووووت

ونشال محترف
وكمان هى هبلة ومش تقدر تقول غير انها اتسرقت
وإلاااااااااااااا

جامده يا نودا
فكره جديده

شكرا يا ايه لمرورك انتى وتوتا
اه فعلا فكرة جديدة بس عاوزة حد محترف
هههههههههههههههههههههه

على فكرة رائعة يانودا
بامانة طلع واد جامد
وهى هبــــــــــــــــــــــــــــــــــــــــــــــــــــــــــــلة جددددددددددددددددددددددا

» عاوز عاوزة ..........................طب ازاى
» حوار بين عريس وعروسته
» حكاية عريس مع حماته
» نعكس بقى : رسالة عريس لعروسته