عارفة إنها شعر بس اللى كتبها مش كشعر عادى لا هيا لحاجات تانية اسيبكو تفهموها
بقلم ..................محمود رضوان
قال كفاية
قال كفاية ؟ كفاية ايه؟
هوه رأيك حد كان سألك عليه
مش كفاية اننا مستحملينك
تنكر النعمة اللي فيها معيشينك
بوس ايديك واسكت و الا
وانت عارف الا ايه
****
خلي بالك من عيالك
وامشي جنب الحيط في حالك
سيب لسانك جوة بقك
حق ايه؟ جاك كسر حقك
نسرقوها نحرقوها
ننهبوها نخربوها
نقسموها حتى بينا
وانت مالك ؟
****
يظهر ان احنا غلطنا
لما رخينا اللجام
واما قلنا نسيبه حبة
يفك نفسه بالكلام
انما اللعبة اذا قلبت بجد
يبقى مش ممكن حنرحم أي حد
يبقى أحسن حاجة تعقل
يعني تتغطى و تنام
****
اوعى لو لحظة تفكر
انها هاصت خلاص
ولا ممكن ييجي يوم
فيه حنقعد راس براس
لو نسيت نفسك نحب نفكرك
للطوارئ في قانون مستنظرك
غير كدة تقدر نفصل
أي قوانين بالمقاس
السبت مارس 08, 2008 2:39 am
